成龍之言

 
國際知名巨星成龍日前喺博鰲論壇發言話中國人質素差,所以一定要嚴加管教至得。佢以臺灣、香港為例,話港臺之所以『咁亂』皆因太自由。此言一出,全港有識人士及輿論一片嘩然,口誅筆伐聲討成龍,學曾特首話齋:『Q 噏』。相信部份網友可能亦有同感。
 
各位,各位,少安毋躁,等老朽幫大家細心分析一下,就知道我哋呢個旅游大使並唔係想抹黑香港、臺灣,而係用佢一向嬉笑怒罵嘅作風喺度促進港、臺嘅安定繁榮,同時曲線推動兩地嘅旅游事業。
 
一、除咗一少撮人,好多大陸公民,對香港唔太了解,以為香港俾英國佬管治咗百幾年,應該係管理得井井有條,港人個個奉公守法;所以個個嚮往希望移民香港過好日子。依家俾成龍一句點醒,原來香港比大陸仲立立亂,即刻打消移民念頭。年中為港府慳番數以億計嘅綜援,同時減少大量非法移民;一舉兩得,云胡不喜。
 
二、大陸好多黑幫,因為大陸政府管得嚴,冇啖好食。依家聽成龍大哥話得香港咁亂咁自由,仲唔嗒晒糖咩?仆到來開山立萬,大展宏圖。因此造就咗更多警界好似Laughing哥等無間道式嘅英雄人物。更為成龍大哥提供無窮盡嘅警匪電影題材,打低印度寶里活,重振香港作為東方荷里活嘅聲威,星光大道添多幾十個甚至幾百個手印腳印。
 
三、大陸好多偏遠地區嘅貪官污吏,將貪瀆番來嘅民脂民膏唔敢放喺銀行,只能收收埋埋放喺屋企。依家知道香港咁亂咁自由,仲唔嗱嗱聲走啲錢來香港洗乾凈後,光明正大咁存入銀行。跟住喺度買樓置業,買名牌金飾手袋,醇酒美人嘆番陣。咁仲唔促進香港經濟繁榮同作為國際金融中心嘅地位咩?
 
四、成龍大哥高調宣揚港、臺係自由地區,相對即係話大陸冇自由。大陸人民以前已經慣咗冇自由嘅生活,以為度度都係咁,冇所謂啦。依家俾佢一言驚醒,原來港、臺咁正,燃點起要求民主自由嘅火焰。所謂星星之火可以燎原;喺全國人民一致反對家長式管治之下,有朝一日,中國政府屆時唯有順應民意更改憲法,還政於民。華叔,李大狀等搞咗幾十年要求結束一黨專政,鼓吹中國走民主自由道路嘅事業,卒之由擁有高度國際威望嘅成龍呢一番言論劃上句號。成龍大哥功不可沒,永垂不朽。
 
所以呢,做人唔好咁衝動,未清楚件事嘅來龍去脈之前,唔該各位唔好怪成龍大哥言論出位。
 
成龍大哥在上,請受老朽一拜,再拜,三拜……….
 
禮成。
Post a comment or leave a trackback: Trackback URL.

迴響

  •  On 19/04/2009 at 2:20 下午

    呵……….

  • 淑敏  On 19/04/2009 at 2:20 下午

    2

  •  On 19/04/2009 at 2:26 下午

    今朝看新聞呀…… 有對夫婦吵架 用氣話氣老公 把小bb掉落滾水中 bb有九成以上滾傷 好慘呀個bb………….個媽白癡說氣話 個爸白癡真係做 成龍又白癡……… 成街都係白癡………. hehe………

  • 淑敏  On 19/04/2009 at 2:33 下午

    我一向對他也沒好感.

  •  On 19/04/2009 at 2:39 下午

    成蟲大哥 有o羊好榜樣 有o羊資格話中國人質素差 佢好好o羊…….. 咪又係鹹蟲一條……….

  • Frank  On 19/04/2009 at 3:31 下午

    淑敏~我一向好敬重佢架,好想學佢咁風流而唔下流,不過老婆冇阿嬌咁大方,冇法啦…..嘿嘿…藍亦~嗱、嗱、嗱,係你話架咋,佢係國際巨星來架,我唔敢批評。佢話自己唔係咸濕下流,而係風流之嘛。係啲女人自己hi埋嚟,食的唔好嘥咁話哦。

  • Frank  On 19/04/2009 at 3:50 下午

    藍亦~呢兩個冇人性嘅男女,點止冇資格做人父母,應該將佢哋人道毀滅至啱。

  •  On 19/04/2009 at 4:00 下午

    嗱、嗱、嗱……. 我話成蟲大哥咋 無話成龍大哥…. :p 邊咁話成龍大哥呀……….

  •  On 19/04/2009 at 4:02 下午

    唉………最可憐還是個小bb……… 無孤孤…….唉………d皮膚傷害相信會跟佢成世…………. 不過唔知個bb過左危險期未呢………???

  • Frank  On 19/04/2009 at 4:28 下午

    藍亦~命也如何。鬼叫父母係冇得揀嘅咩。諗諗下,係唔係應該學古代斯巴達人,BB一出世就交俾政府集中養育,咁咩可以避免呢類悲劇囉?

  • 瑞克  On 19/04/2009 at 4:51 下午

    呢穫都好大劑,睇佢點收科?

  • Frank  On 19/04/2009 at 5:36 下午

    艾瑞克~有乜嘢問題啫?你哋都唔體諒佢用心良苦。嘻嘻…

  • fan  On 19/04/2009 at 11:02 下午

    成龍自己都唔檢點.

  •  On 19/04/2009 at 11:14 下午

    今日多謝你教路呀~~ v^^…….. 我係誠實的傻瓜 無人有我咁笨架喇……..

  • LIZA  On 20/04/2009 at 9:02 上午

    早呀林仔,我支持緊他的霸王洗頭水呀 !!!

  • Maggie  On 20/04/2009 at 9:22 上午

    Uncle Frank 的分析的確好好…

  • Sam  On 20/04/2009 at 9:41 上午

    成龍都唔止第一次講錯野………………..藝人不懂表達還是小說為妙,尤其政冶~桂林果副九馬畫山睇極似鬼馬畫山多D, 下次想見識杭州既印象,杭州…………….

  • lady  On 20/04/2009 at 9:42 上午

    早晨…..每人都有自己意見, 但身為公眾人物亦國際知名, 甚有影響力, 更加要慎言啦

  • Frank  On 20/04/2009 at 10:35 上午

    芬妹~佢讀得書少,講嘢唔經大腦,敦請大家放佢一馬啦。藍亦~唔好客氣,原則講就容易,成唔成功就要睇你修為啦。講笨,我後生個陣蠢過你十倍。人老精,鬼老靈吖嘛。Liza~真係?咁你前額有冇佢咁高呀?留意下佢要拉後補前噃。嘻嘻…Maggie~怪論之作咋,自己過癮又俾大家得啖笑啫。岸居老弟,宗妹~公眾人物或藝人都係人,佢哋言論自由嘅權利應該同你我一樣。只要有事實根據,個個都應有言論自由。冇事實根據而亂吠,法律上可以列作詆毀論。話自己衰,私生活唔檢點到處留龍種,所以中意俾人管咩得囉。唔應該侮辱全部中國人話唔嚴加管理就亂。咁係唔係外國人就唔會呢?中國人咩低人一等?中國官方到依家都冇回應,好似贊同佢嘅觀點噃。

  • 瑞克  On 20/04/2009 at 1:42 下午

    叫佢搬去澳門全,咪可以同何生一齊9up,橫掂兩條友都係又口臭,又鍾意玩女人.

  • Frank  On 20/04/2009 at 5:20 下午

    艾瑞克~9up?哦,7up加埋兩隻嘢咩9up囉。哈哈哈….口臭唔啱,但係男人中意女人好正常啫,玩就缺德。所謂玩物喪志,玩人喪德。但係偏偏有好多貪圖金錢地位嘅女人心甘情願送上門俾佢哋玩。咁抵唔抵可憐呢?

  •  On 20/04/2009 at 7:07 下午

    我覺得何生好過成蟲….. 起碼佢肯認頭 同埋對佢的女人都好公平……… 唔似成蟲……. 自己錯左唔認重要逼人落……… 重要拉埋其他男人落水……… 話自己犯了全天下男人都會犯的錯……. 相比….. 何生好佢好多………..

  • Frank  On 20/04/2009 at 7:47 下午

    我同意藍亦講法,佢對個女好唔公平。製造咗出來又唔負做老豆之責。

  •  On 20/04/2009 at 8:32 下午

    咪係….. 又唔係養唔起………… 林仔…… ((((((((((five))))))………..^^

  • Frank  On 21/04/2009 at 8:08 上午

    YEAH!

  •  On 21/04/2009 at 12:03 下午

    曾看過說話片段, 真係唔知佢想表達咩嘢?從佢嘅言論, 佢適宜做名藝人, 不宜講政治.因為無劇本在手就語無倫次.個人意見, 不應就言論有誤而攻擊其私人生活, 因與其言論無關.

  • Frank  On 21/04/2009 at 5:02 下午

    平常心~可以以言廢人,不可以以不道德嘅私生活廢人。啱唔啱?

  •  On 21/04/2009 at 5:46 下午

    在網上看到很多批評, 有人話送他到北韓住, 都係好見意.其實娛樂圈嘅男女生活, 手段與目的, 各出其謀, 並非對與否可界定.據聞女主角現在在上海生活無憂.這只是小小愚見.廢人? 香港地大把….包括騙綜援個班人(我至憎)

  • Frank  On 21/04/2009 at 9:12 下午

    平常心~我回應中個『廢』字嘅意思係斷定,批判。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: