港英時代,香港政府推出咗長者生果金作為對老人家一生辛勞為香港社會作出貢献嘅敬意,獲得一致好評。只要夠六十五嵗就有資格申請,不過要審查資產。過咗七十嵗就不論貧富,每月一律發放港幣六百零蚊,即係平均每日卄零蚊。呢啲錢雖然濕濕碎,但十幾年前,都夠買幾款水果食,所以香港嘅長者都食得好健康,無形中幫政府慳番唔少醫療開支,令香港人嘅平均壽命排喺世界排名前列。由於近年通脹驚人,老人家喊唔夠,深得社會各界人士同情,最近好多團體要求港府將長者生果金提高至每月一千蚊,港府遲遲冇回應。
日前當奴曾特首喺立法會施政報告答問會提到呢件事,佢認為要求生果金加碼,咁咩即係話生果金嘅性質已經改變為一種生活津貼?所以必須好似申請綜援咁引入審查制度。即係話就算年過七十,若果有資產就唔合資格領取。此言一出,不論左、中、右派嘅議員情緒高漲,群起質問,搞到當奴面黑黑,話要成立委員會深入研究,稍後公佈詳情云云。其實使乜研究吖,一於一刀切全部取消就啱。原因何在?等我同大家分析下:
一、金融海嘯嘅後遺症好快見到,今後三到五年香港唔慌有好日子過。預見港府就要入不敷支,應慳則慳。取消生果金,每年可慳幾億銀,幫補赤字。
二、若果當奴自詡強勢領導,一意孤行,監硬引入資產審查制度,可能會有好多老人家嗱嗱淋將僅有嘅棺材本全部轉名俾仔女以取得綜援資格,港府嘅負擔重勁,弄巧反拙。亦因此可能搞出好多倫常惨劇,當奴於心何忍?全部取消咩唔會出現咁嘅問題囉。
三、就算肯定要作資產審查,應該按資產多寡嘅比例派。資產少嘅比較慳家,唔使俾咁多已經足夠。資產多嘅食慣高級生果,價錢昂貴,港府應該資助多啲。若果唔係咁,不如取消罷就。
四、當奴話由於香港人口急劇老化,25年後每四個人就有一個長者,社會負擔沉重。取消生果金制度,可以令長者唔好咁長命,阻住地球轉;25年後每十個人有一個長者就啱數。若果咁都未夠,索性學日本電影「楢山節孝」裡邊嘅情節咁,將所有老人抬去港外一個荒島,由得佢哋自生自滅。港府笑笑口拍拍手,社會上一個長者都冇咁就冇晒負擔,舒服晒!
留言
^^
lam媽反而無強力爭取喎……佢睇到有d老人家真係好豪使…唔太珍惜喎
請少幾個副局長同助理,d 錢都喺番度啦!
覺得你第三個意見唔錯……只係改少少.
多資產俾少少, 甚至唔俾.
少資產俾多d, 無資產直情要照顧佢到百年歸老啦……..
資產多與少定義, 就要大家傾下囉.
應該按資產多寡嘅比例派。資產少嘅比較慳家,唔使俾咁多已經足夠。資產多嘅食慣高級生果,價錢昂貴,港府應該資助多啲"
I think this is muh reasonable. As for No.4……..eerrr…………no comment
唉,對呢個政府沒有什麼意見…..
唉………….看來我都有份做流放外島的長者喎………..:p………………不過我唔係香港居民…………
早晨呀………..^^………
宗妹~俾得佢哋,點使佢哋自己嘅事。
小雯~嗰啲係政治交易,點可混為一談呢?
平常心~多資產嘅大使慣,梗要俾多啲維持佢哋原有嘅生活質素喇。
Vivi~Great minds think alike!
艾瑞克~哀莫大於心死!
藍亦~到時可能港澳珠深合而為一格喇….伶仃島啱唔啱?
morning Brother Frank
很多老人家都係靠生果金過活,好慘.
其實真係好簡單,老人金照俾,有需要加多倍就要申請,咁樣咪您好我好大家好…………….
Y……..看情形我都係孤獨島多D喇……….^^………
芬妹~冇可能淨係靠生果金過活架,若果真係,佢哋應該有資格申請綜援喇。
OQ老弟~好建議,特首應重金禮騁你做顧問。佢班幕僚直情食濕米!
藍亦~獨島喺南韓,唔通顏大夫係韓國人?
根本當奴就係借題發揮,
藉此改變遊戲規則。
南韓真係有獨島………….^^……….澳門都有呀……..不過係"毒賭"………..呵呵呵………………
早晨~
其實我覺得有d可以使少d, 始終生果金都係一種向老人家的心意….
請少幾個咩助理啦…
你有無得羅生果金架…….???………..^^…………
瑪姬~我估當奴曾喺度同老人家鬥氣啫,你話要加咩,我話要資產審查至肯加,問你怕未?請助理,副局長係政治交易,錢唔係問題。
藍亦~我未有資格攞,有就唔叫得林仔架喇….
早晨, 按資產比例發放生果金, 無錯呀!
早晨呀宗兄…………….估唔到宗妹做左"苦主"添哇 =.=
當奴佢又唔洗攞老人家嘅票,不過‥連累民建聯無咗老人鐵票就同佢死過。睇下佢仲點樣強政勵治,果陣俾人"厲住"就真!
過多幾十年如有命都唔想靠政府, 最緊自己身邊有個錢過活……..
淑敏~最合理嘅做法就係要靠生果金補貼生活嘅俾多啲,唔使嘅俾少啲。
宗妹~雷曼你有份?
孤舟老弟~所以喺答問會譚耀宗都要扮下嘢炮轟當奴囉。
平常心~梗要靠自己喇。到時你啲強積金唔知夠唔夠退休後使喎。
平均壽命都係七十幾歲,
過咗七十嵗先有資格攞生果金,
無理由仲要資產審查.
好累呀我…………zzzzzzzzz……….
宗兄: 宗妹並非累人兄弟既苦主………….係泰林既苦主哇…..
午安~
泰林有平嘢賣……..
未羅得生果金又咁快退休…….咁你一定有大把錢喇……….hehe………….
芬妹~同意。
宗妹~俾咗訂冇貨攞?
藍亦~退休因為夠年齡,未攞得生果金因為未夠年齡,並非大把錢。
唉….我更新緊 ~苦主篇