人生插曲

以下是近日發生嘅真事
 
電車惡客

上禮拜六下午三點左右,我搭電車返屋企。到站落車,正想向前行去出口,突然見到樓上乒鈴乓唥有一對中年男女衝落來,我以為佢地都係落車,咩懶紳士風度咁等佢地行先。點知佢地兩個唔係落車,戙篤企喺度塞住門口。我當時有啲激氣,不過都好有禮貌咁話:“唔該借借,我要落車。”個男人瞪大隻眼望住我:“超,落車又唔早啲出嚟…”。喺咁嘅情況下,我冇同佢解釋亦唔想同佢嘈,只係急急腳落車走人,不過當時條氣就真係好剒。各位網友,若果係你,點樣反應?

電話借錢

有個一向冇乜來往嘅舊同事突然打電話來同我敘舊。佢話啱啱賣咗觀塘間屋,還清晒銀行按揭,就快搬來北角住。我話好呀,咁近我屋企到時探你啦。跟住佢又話依家手頭現金唔夠,問我可唔可以借住三萬蚊畀佢週轉,佢寫返張三個月嘅期票畀我到時保證兌現。我當時冇諗到佢會同我借錢,當堂打個突唔出聲。佢見我冇回應,又話若果唔方便,咁借住萬零銀得啩?我唯有同佢講明我唔同朋友借錢亦唔借錢畀朋友嘅原則。佢顯然唔係好啹,跟住收線。若果你係我,會唔會借錢畀佢?

問路借錢

上星期日喺跑馬地打完波去車站準備搭車返屋企。有個廿零歲、衣著入時嘅靚女行埋嚟,用帶住好濃厚北方口音嘅廣東話問我山村道點行。我懶醒咁用普通話指點佢點樣去,佢猛咁讚我嘅普通話講得好地道,問我係唔係北方人,又問我幾時來香港。我見佢談吐溫文好有禮貌,咩同佢搭訕幾句囉。講講下,佢突然話出嚟唔記得帶銀包,問我方唔方便借住幾十蚊畀佢搭車。吓,我如夢初醒原來係呢家嘢,答都唔答佢,即刻話我架車到,失陪晒。嗱嗱聲走上車,重驚死佢跟埋嚟,咁就唔知點算好。好彩佢冇諗到我行動咁敏捷,企係度戇居居冇晒反應。奉勸各位男士,就算撞到靚女,都要時時保持頭腦清醒。一見到勢色唔對,識得學我有咁快,撇咁快。

Post a comment or leave a trackback: Trackback URL.

迴響

  • lady  On 07/06/2007 at 11:23 下午

    坐左沙發先講啦 ~

  • lady  On 07/06/2007 at 11:30 下午

    1) 宗妹會用眼"掘一掘"佢, 無法丫, 弱質女流嘛, 講粗鄙我唔曉, 講粗口又失儀
    2) 經驗話我聽, 借錢無人會還. 試諗下丫, 自己d錢係血汗錢來架
    3) 靚女? 邊有咁大著數哇, 仲說普通話添, 未睇過警訊咩? 愈靚愈危哇
     

  • Fresco  On 07/06/2007 at 11:52 下午

    1) 紳士風度都要睇對象的….
    2) 情與義…都係值千金, 點值萬金呀…講下笑. 唔借!
    3) 我會坐低同佢傾下, 了解下, 做下文化交流.

  • 路人  On 08/06/2007 at 8:24 上午

    1.落車緊要, 一於做好漢. 等開車後再大聲講好狗不擋路.
    2.還清晒銀行按揭即係好掂, 唔借. 點解唔還銀行少D?
    3.唔記得帶銀包又嚟到遠, 咁叻唔駛借錢都攪掂喇.

  • Sam  On 08/06/2007 at 10:06 上午

    1/  唔理佢….廢事哂氣~ 後生幾年佢肯定落唔倒車,嘿~
    2/ 一開口就幾皮野,您都好有姐,呵呵呵
    3/係香港得閒咪同佢周旋下,係大陸佢未行埋泥就馬上撇~

  • Cat  On 08/06/2007 at 10:44 上午

    好彩你反應快
    沒被迷魂大法吸住
    碰到這些無謂人無謂事
    就當那天時運高
    算了吧~

  • 幸福生活  On 08/06/2007 at 11:28 上午

    電車惡客 – 若果係我,一於扮急,乘機一大腳踩落去!嘻嘻~~電話借錢 – 我嘅原則都係唔同朋友借錢亦唔借錢畀朋友,況且仲係冇乜來往嘅人。問路借錢 – 我前兩年番香港在地鐵也有個男人問我畀十幾蚊佢搭車,我無咁易上當嘅。

  • Annie  On 08/06/2007 at 11:37 上午

    1) 俾我, 我條氣都唔順….有d惡人先告狀的感覺, 而且佢地係留輩, 好應該有禮貌d對待長輩
        我最憎依類人….你條氣順番未啊,^^, 唔洗為左依d人勞氣
     
    2)  無事不登三X殿….如果對方係一個我好信任, 好熟的朋友我會…..不過以你依個情況, 我都唔借….
         當識少個朋友~
     
    3)  你真係好醒喎, 哈哈~ 你ga情況我都試過, 我都係係條街行行下果陣, 有個男人走埋黎, 好直接同講俾人偷左個荷包
         冇錢搭車番屋企…..我瞄左佢一瞄, 一睇就係d free walker….之後up左一大堆廢話, 我冇埋佢, 照行….佢就死跟…仲塞張Card片俾我,
          最後我廢事煩…..俾左$10佢…..之後我都覺得好"on 居"…haha

  • Frank  On 08/06/2007 at 1:29 下午

    靚太宗妹~1、掘佢都冇用,講粗口有失自己身份。2、如果可以收返啲外債,都夠我生活幾個月。3、咁你咩都係危險人物?嘻嘻。
     
    Teapot~當時點知佢會咁對我噃。2、你即係話一千蚊可以借?3、跟住重想有下文?想創你個心啦,老友。如果下次有幸再撞到佢,介紹畀你識,好嗎?騎騎。
     
    路人老弟~1、好似阿Q啲噃。2、我都係咁諗。3、唔出奇吖,可能佢一路都係借錢來到呢度呢。
     
    OQ老弟~1、我都係咁話,不過就算後生個陣都唔會喺咁嘅場合同佢霎氣。2、揸住張身份證閒閒地都可以同邦民借到幾皮嘢啦,使乜同朋友借噃。3、周旋?想唔使錢食人豆腐咩。等我話畀Q嬸知,你就知死。
     
    TwistingCat~我識“吸星大法”,唔怕迷魂大法。
     
    幸福生活~1、咁要同老婆借對幼踭高跟鞋著,踩落去先至可以泄我心頭之憤。2、我咩係咁諗囉。3、哈,點解咁Q嘅?女嘅搵男嘅,男嘅搵女嘅。
     
    Summer~1、畀你咁講,我就有啲化怒為喜。可能佢以為我後生過佢呢:“死僆仔,落車早出嚟吖嗎。”。2、同意。3、個隻嘢係唔係好靚仔?若果唔係,點氹到你畀十蚊佢搭車呢?嘻嘻。十蚊買到張卡片,得閒打個電話搵佢還債。

  • Hongbin  On 08/06/2007 at 1:54 下午

    呵呵 我家在山东济南 如果您读过水浒传的话我的老家您也一定会知道  山东阳谷--武松打虎的地方
    既然跟您有着相同至爱 有时间去找我 请您吃豆腐脑跟小笼包 在我们那我知道有家小摊做的特别棒。

  •  On 08/06/2007 at 8:40 下午

    回應電車惡客:………..我會話……車…….你又唔係落車又企係度門都左住晒………..卑番佢……………
    借錢:………我會同你一樣……….你係明智既………..
    第三個:……….呵呵呵……..你有看我個"老襯張"的bolg……就知現實的我…..給了100大元………一一"……………..

  • lady  On 08/06/2007 at 10:13 下午

    金魚仔, 嘿, 係HK你就貪小小女人豆腐架, 唔該你學下宗兄啦, 因此"因小失大"啊
     

  • fan  On 08/06/2007 at 10:13 下午

    一樣米養百樣人~

  • lady  On 08/06/2007 at 10:15 下午

    宗兄, 嘻嘻, 您  好  野  吓…………..令宗妹答YES又死, 答否定又遺背良心…..哈..哈..哈

  • Frank  On 09/06/2007 at 1:34 上午

    風~山東陽穀縣是不是在濟南府附近?
     
    藍亦~1、佢怪我落車唔早啲出嚟,各執一詞有乜結果?唔通要隻抽解決?3、我對付呢啲場面有晒經驗,唔會再心軟架啦。
     
    芬妹~從另外一個角度睇,呢個世界係唔係多姿多彩吖嗱?
     
    靚太宗妹~咁你個靚佬咩成日要陪住個危險人物眠?

  • 不落阁  On 09/06/2007 at 1:27 下午

    1) 一。“忍气吞声”算了; 二。用眼神“掘"住他,经过他身边的时候可能会撞他一下或踩他一脚,也许再小声的说他俩句。。。。但通常好女不与恶人斗。所以多数会才取第一种方法。
    2)本人戒条:不与朋友发生任何有关金钱或利益的关系。如果朋友真的有事须要帮忙,我会“送”钱而不是“借”钱,但同时会做好失去这个朋友的准备。
    3)其实那些骗子都只是能骗“好心人”而已。记得大概2年多前,当时我在北京王府井的东方广场工作,午饭时候在东方广场地下的美食广场吃饭,突然有一对50多岁的夫妇,衣着挺土的像没钱那种(当然我知道人不可貌相),走过来问我能不能给他们在美食广场买饭吃,因为他们没有钱;我当时没有理会他们就走了。因为我想东方广场是什么地方呀,他们没有钱,行,他们照样可以来逛逛,开开眼界,这样是不用花钱的;但他们却连吃饭的钱都没有?没有钱吃饭还竟然要求在东方广场的美食广场里吃饭?在这里1个人最最最最便宜的消费也要10多20块钱,而这个价钱在王府井周边的local小饭馆肯定能吃得饱吃得好,但他们却竟然没钱也要“吃得高档”!!我当时还挺生气的!另外有一次下午我在等巴士站等车,有个18,9岁的男孩对我说他没钱,问我可不可以给他几十块让他坐车回家,我问他坐什么车,他说坐公交到XXX,我听了后我就说我没钱!在北京城里,1、2块钱就能坐得很远了,还几十块钱,我自己回家坐地铁再转公交才5块钱不到呢!!曾经还碰见有2个女孩,其中一个走过来问我要钱买面包吃,对不起,没有!!!
    还有一次大约是5、6年前吧,那时候我在官塘鸿图道工作,有一晚加班到晚上的8、9点,下班时在去官塘地铁的路上,突然有1个说普通话的男士(他身穿西装,样子还挺有文化的)样子很焦急的走向我,他先问我会不会说普通话,我说会,他用手指着一个大厦问我能不能跟他去一趟那里,他说有些事因为言语的问题要找人帮忙;但在那个时间,那个地点,很静而且街上也没有几个人,我就拒绝了他,他的样子就变得很失望。没办法,尽管是在白天我也不可能跟他去那个地方呀,更何况是晚上。这件事我一直耿耿于怀不能忘记,我忘不了他焦急走向我的表情,我忘不了当他知道我能说普通话时他那如释重负的表情和他,更忘不了当他听到我拒绝他的要求时那种失望的表情。我们是从什么时候开始变成这样呢?

  • 米米  On 09/06/2007 at 5:08 下午

    乜成日有人問你借錢架?

  • Cc_Jackie  On 09/06/2007 at 8:08 下午

    1)Excuse me….
    2) 我会做距的免费司机,车距到银行。。。。银行大把银。
    3)试过几次。。。好采数目不大。

  • lady  On 09/06/2007 at 10:47 下午

    宗兄丫, 個QQ88唔使拆腰喇, "的"佢去打下波健體啦

  • Hongbin  On 10/06/2007 at 8:07 上午

    呵呵 阳谷是县属于聊城市 济南是省会 从济南开车去阳谷需要大概3个小时左右

  • fan  On 10/06/2007 at 9:44 上午

    我喜歡間中去搭電車遊香港~

  • Frank  On 10/06/2007 at 8:06 下午

    米米~可能佢地認為我呢個阿伯好naive,好易氹卦。
     
    Jackie~仲要excuse me?應該話go to hell。
     
    靚太宗妹~要來的自然會來,逼都冇用。
     
    芬妹~我諗香港電車係全世界最便宜既交通工具之一。
    使兩蚊雞,就可以舒舒服服咁坐係度消磨兩個小時睇港島市區不同既街景。

  • fan  On 10/06/2007 at 9:50 下午

    我都試過係新城市巴士站,
    有個人要同我攞二十元,
    話唔見錢包要返西貢,
    我當時同佢講,
    你叫差人車你返屋企,
    就無再理會佢,
    過後自己做諗,
    如果佢講的話係真架,
    我就好似有點不近人情咁.

  • Frank  On 10/06/2007 at 10:29 下午

    芬妹~你試諗下,如果你畀人打荷包,會唔會周街搵陌生人借錢搭車?

  •  On 11/06/2007 at 7:59 上午

    我支持你隻抽隻………但………..係對方未出手前……..你就"哎呀"……然後扮痛……..大叫……(((((((後生仔打人呀…..拉佢上差館))))))……..咁好唔好呢……^^………

  • Maggie  On 11/06/2007 at 9:30 上午

    你係米穿金帶銀呢? 哈哈!

  • Frank  On 11/06/2007 at 9:56 上午

    藍亦~我怕一出手,佢大嗌:“後生仔打人~”,到時咩要騷張老人證做證明?
     
    瑪姬~唔係噃,著住運動衫,爛身爛勢。最值錢就係個背囊,都係百零蚊啫。

  • Jane  On 11/06/2007 at 11:12 上午

    1) 真的沒禮貌呢…..如果係我…..我唔理佢哋….:p
    2) 唔借….仲要問佢借番比我…..wakakakakaka….:p
    3)你醒目! ^_^
     

  • Frank  On 11/06/2007 at 11:30 上午

    Miffy~1、我咩唔睬佢地囉,之不過條氣唔順啫。2、係噃,可以話自己成副身家綁晒喺股票,物業,黃金度,乘機同佢度返啲開飯錢都好。3、人老精,鬼老靈,哈哈。

  • lady  On 11/06/2007 at 9:50 下午

    再來看~仲有咩咩"真人真事"? :P 

  • fan  On 11/06/2007 at 11:13 下午

    講起借錢
    我曾經借過錢給一位同事,
    「係當年的一個月薪酬」
    佢借時話出糧就俾返我,
    點知過多幾日工又唔見佢返,
    打電話搵佢,
    明明接電話的人把聲係佢,
    都話無呢個人.
    隔了好幾個月.
    我覺得受騙很氣憤,
    同一位當年要追求我的朋友講.
    佢話包係佢身上,
    我唔知佢點去追錢.
    後來呢個人死死氣攞的錢來公司俾返我.
    仲話我,借妳少少錢使唔使咁呀.怪我添.
    呢件事教識我唔好咁易相信人.特別錢銀關係.

  • Frank  On 12/06/2007 at 8:21 上午

    芬妹~可不可以介紹呢位朋友我識,教我點樣追返啲陳年舊債。
    係呢,呢位見義勇為既男士係唔係你依家既先生?

  • Sam  On 12/06/2007 at 3:08 下午

    林兄,
    早知生性讀書咪好似您同Dr咁唔駛捱馬伕啦….唔敢講修成正果,好彩個倉生性我就可以繼續岸居囉…

  • fan  On 12/06/2007 at 9:08 下午

    唔係呀~
    七,八十年代女子好吃香架. 哈哈.

  • Frank  On 13/06/2007 at 1:43 下午

    OQ老弟~岸岸居居,開開心心,人生至此,復有何求?
     
    芬妹~原來你細細個已經係搶手貨,唔怪得依家你先生錫晒你啦。嘻嘻。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: